讀者吳先生早前申請郵政署一份月薪合約工作，清楚選擇在紅磡或油麻地區工作，誰知郵政署安排出錯，他最後被派到葵涌貨櫃碼頭工作。
吳先生說：「我見到郵政署請人時，寫明工作地點係紅磡或者油麻地，而我就住沙田，覺得交通方便，於是申請。到面試嗰陣，我都有填清楚工作地點，後尾郵政署回覆我獲聘嗰陣，都講明我係喺紅磡國際郵件中心返工。」
誰料吳先生甫上班，郵政署方面突然「變卦」。他說：「上個月我去中環郵政總局報到同簽約後，跟住就去紅磡返工，但嗰度個主管卻話紅磡已經『冇位』，要我去葵涌貨櫃碼頭做嘢！有乜理由簽好約先改地點？葵涌同我住嘅地方都唔啱路，車費又貴，早知要去嗰邊，我根本就唔會申請，最後迫住我放棄呢份工。」
內部溝通出問題
郵政署回覆本報查詢，指吳先生在申請該合約工人職位時，確已選擇在紅磡或油麻地區上班，總部在編排工作時，亦已按其意願，分配吳先生往紅磡國際郵件中心工作。惟因內部溝通出現問題，同事未能及時發現該崗位亦需要在葵涌貨櫃碼頭工作，致安排出錯。因紅磡國際郵件中心當時未有月薪制空缺，故曾建議吳先生轉為日薪制職員或暫在葵涌工作，但遭吳先生拒絕。郵政署就事件對吳先生引起之不便，鄭重致歉。
蘋果投訴熱線：29290000
社會服務熱線：29908288
傳真：23702192
電郵：[email protected]