樂基兒和LisaS.昨日在中環為名牌Bvlgari示範06秋冬新手袋系列，樂基兒穿上一件吊帶衫時，露出甩皮的玉背，她說：「我喺香港泳池曬太陽曬黑咗。」
問邊度攞鎖匙
昨日有雜誌指黎明為防被偷拍，計劃購買價值7,000萬、180度海景睡房的高私隱度豪宅「曉廬」，作為與樂基兒的新愛巢，問樂基兒準備搬屋未？她說：「其實我自己都想講番，唔想有誤會囉。我完全冇搬屋嘅計劃，大家搞錯咗喇！」她甜笑續說：「不過我都覺得間屋好靚，入面好大、好靚，好想知間屋喺邊，同埋邊度有鎖匙攞呀？」
記者問是否想人送樓？樂基兒即說：「我相信唔會有呢個可能，每個人都需要一個屬於自己嘅屋企，我都想喺50歲時有自己物業。」而曾被偷拍的吳彥祖女友LisaS.，乘機向樂基兒開玩笑說：「間屋真係好靚，不如我哋一齊去開party啦！」
採訪：NgTinWai
攝影：MatthewLam
