英格蘭06世盃之路正式完結，前領隊艾歷臣卸任後，即時由新領隊麥卡倫履新，點知呢位新領導人認真「唔老嚟」，本來英軍喺8月16號約咗希臘踢友誼賽，咁啱嗰邊希臘剛俾人禁止打國際賽事，搞到呢場友賽好可能被迫取消。麥卡倫上任後第1場比賽或會觸礁，冇得俾球迷睇吓佢點樣排陣，我判官覺得麥卡倫接棒嗰陣應該冇拜神，唔係冇理由咁黑仔㗎。