劉香萍女兒、中德混血兒貝安琪為家鄉德國打氣，不惜性感示人，昨日她身穿性感德國國旗三點式，在商場站足半小時煎牛扒宣傳，吸引大批男士圍觀拍照。
世界盃剛於凌晨進行德國對意大利準決賽，中德混血兒貝安琪昨日為家鄉的德國隊打氣，穿上德國國旗三點式上陣與法國、意大利等四強代表模特兒，出席觀塘apm商場的宣傳活動。
拒浸啤酒浴
一邊捱冷氣，一邊穿泳衣煎牛扒、弄德國沙律的貝安琪，吸引大批男士圍觀兼用手機、相機拍照，本來大會安排她浸啤酒浴，但她即場拒絕，只肯浸浸腳算數，最後司儀惟有改叫其他模特兒落水頂替。貝安琪謂不覺得冷氣凍，她說：「喺商場着泳衣都有少少尷尬，我寧願喺沙灘喇，不過唔知點解呢排做商場show，好多都要求我着三點式。」
從不敢裸曬
問昨日可是因為酬勞加碼，才肯犧牲色相？貝安琪即說：「No！係因為德國隊咋，我爹哋係德國人，我以前喺德國都會同啲朋友瞓草地、飲啤酒睇波。我喺德國慕尼黑河邊，經常見到啲女仔喺度裸曬太陽，toomuch喇，我唔鍾意，可能因為自己始終有啲中國血統。」
現時貝安琪正忙於與金城武和梁朝偉等合作拍攝電影《傷城》，她謂與兩位型男在戲中沒有親熱戲，問她可覺可惜？她說：「冇咁諗喎，希望下次啦！」
採訪：JessicaNgan
攝影：DickyChan
