莫文蔚（Karen）早排着吊帶背心同短裙喺澳門宣傳商品，背部左側露出疤痕，當時Karen解釋話係唔小心俾扣針整傷，但噚日有內地報道話據知情者報料，Karen男友馮德倫有虐女癖，凡係同佢接觸過嘅女人，都會受唔同程度嘅虐待，而且傷口仲會喺唔同位置。
背部胎記
Karen經理人公司發言人噚日回應話：「Karen本身背部有一塊胎記，已經唔係乜嘢秘密，馮德倫咁錫佢，點會有虐待呢啲事發生！不過之前Karen着衫時，背脊係俾扣針整損咗。」
𠵱家喺泰國拍緊戲嘅馮德倫，噚日就同馮仁昭講：「黐線！乜鬼都作得出，我回應都嘥氣，我同Karen感情不知幾好。」