酒店將部份房間以月租或長租方式出租，就可以有一筆穩定收入，出租房間數目減少，又可降低因季節或突發事件令空置率急增危機，而房間需求大增嘅日子又可以加多啲租都得。為咗招徠呢批長期客仔，酒店都會畀啲着數佢哋。
天水圍嘉湖海逸酒店就喺唔同時段送出唔同優惠，總經理徐英略話，第三季會推出「食出好『住』意」月租優惠，若果租住月租服務套房6個月或以上，可以獲贈600蚊美食券，租期愈長，優惠愈多。
講番間酒店，有1202個房間，𠵱家入住率已達98%，比舊年同期多三個百分點，預計今季可升至99%，而月租由5900蚊起。徐英略講今個月15號起房租仲會加價2至5%。