實用Bible：發揮創意改變着法

1.棉質彈性佳

想一衫多着，除了原先設計早已準備好，本身衫款可以容許大變身外，一些加入Spandex彈性物料的棉質上衣，亦遠較其他質料如絲質雪紡有變動空間，因為Spandex+棉質的衣服經已有彈性，例如棉質吊帶背心，可以將肩帶調吓位置，便可變出不同款式，雪紡等缺乏彈性的質地則難以做到。

2.留意細節

例如肩帶及束繩設計，衫上的束繩部份分分鐘可以變作腰帶，衫變裙便從容可得。束繩細節尤其是改變衣服形態的好幫手，衫上束繩放鬆或束緊，已經可以幫件衫帶來不少墜摺變化。又如橡筋細節，一件吊帶衫仔隨時可以變半截裙，馬上多一種着法，所以買衫時多留意細節處理包無死。

3.廢物利用

一些過期唔啱着或唔想再着的舊衫褲，一樣可以取諸當中細節變成小飾物配件，例如尺碼唔再合身或貓鬚着得唔靚嘅牛仔褲，成條放棄好浪費，簡單挑出褲頭細節，便可成為型格頸飾。又如舊有衣服上剪出喱士部份，駁上絲帶便可成為小小飾物。