推介幾首世盃歌
每屆世界盃都有唔同嘅會歌，今年大賽搵咗ILDivo同ToniBraxton合唱，各位有睇開幕禮時應該聽過，個人認為呢首歌《Thetimeofourlives》幾好聽，值得推介。有消息傳紅透美洲嘅Shakira會喺閉幕禮做嘉賓，佢1隻特別為世界盃mix嘅《HipsDon'tLie》唱到街知巷聞，不妨留意圖右黑色呢隻碟，睇吓香港有冇得賣。
曾採訪世界盃、歐洲國家盃、奧運、亞運等大賽，身經百戰。
李勇明
原來德人好熱情
問過好多人都覺得德國人好直、人情味唔夠，昨晚凌晨12時許，還在找去酒店的地鐵路線，看見四處無人，就用地鐵內的答問機，有求救的，又有問路線的；但按下去後還在向機內的人發問期間，路過兩名男士先後伸出援手，細心告知路向，終解決方向問題。第1次發覺，德國人也不錯嘛，不知是否德國隊殺入4強，連國民也熱情起來。
採訪過無數大賽，最鍾意捐窿捐罅搵題材，今次德國之行啱晒我。
徐嘉華
新球季波衫難搵
德國通街通巷都有得賣世界盃波衫同埋t-shirt，但我其實想搵啲德國甲組及乙組聯賽球會波衫；早幾日問過1間舖頭，原來呢個時候各大小球會未推出佢哋嘅新球季波衫，舊款又應該唔會有人想要，所以無賣。呢日終於喺漢諾威見到當地甲組隊漢諾威新球季波衫，但要成65歐元，都幾貴，睇吓算，至多影低佢，當買咗啦。
肩負現場直擊畀料重任，無論你當我名家抑或明燈，都希望交到功課。
朱冠恆
