喺世盃期間見到好多球迷隻手都拎住啲嘢，唔係啤酒就係國旗同零食。各位球迷有無諗過，其實呢啲嘢都可以買番香港做紀念呢？
如果想留住世盃氣氛，就要買番啲嘢返香港啦！我會建議各位揀香腸、朱古力同糖果。德國超市入面有賣各種唔同製法嘅香腸，基本上一望個名就知道。我本身鍾意用水烚熟嘅，因為呢種整法可以保存香腸肉汁，而且皮仍是脆脆的，更加易入口。大家都唔好忘記買芥辣，因為用佢送香腸可以消滯，多吃也無妨。
至於糖果方面，我就推介「HARIBO」呢隻牌子，味道酸酸甜甜，又多趣致圖形，所以好受女仔歡迎；朱古力就首選「RITTER」，香港雖然都可以買到呢個品牌嘅產品，但款式唔夠德國多，既然一場嚟到，何不買番多少返香港呢？
袁彩雲
無綫世界盃直擊主持