葡萄牙教練「大菲」史高拉利紅到發紫，連車路士領隊「招積王」摩連奴都要寫個「服」字畀佢，話「大菲」哥將今季冇表現嘅文尼捷、哥斯天拿等人起死回生；佢仲一改過去想執教葡萄牙隊嘅講法，佢又話：「呢個位（葡軍教練）『大菲』哥最適合不過！」判官都覺得「大菲」真係有料，過去葡萄牙有天份冇鬥志，𠵱家就兩樣都有齊，呢啲都係「大菲」嘅功勞。