世界盃已進入4強階段。今天首場大戰，是德國對意大利。主辦國德國上場憑互射12碼，取得最後嘅勝利；反而意大利清風送爽贏烏克蘭3粒，今場兩隊歐洲傳統勁旅對碰，因為打法同風格上嘅關係，個人覺得反而會係悶戰一場。
德意2.87倍和波機高
如果睇睇立博開出嚟嘅歐洲賠率，德國勝2.25倍．和局2.87倍，意大利勝3倍，亞洲盤德國讓意大利平/半低水。相信睇見和局係2.87倍，大家都知乜事啦，就係和局嘅機會好高！無信心嘅朋友，可以試一試意大利下盤。但係綜合各種彩池種類嘅賠率分析之後，呢場波開入球「細」嘅機會，其實係相當高。立博大小球中位數低開2球，小球仲係低水1.75倍。論實力，意大利嘅球員比較好，相信如果唔和波嘅話，好大機會會係意大利先入1粒，然後就守到最後完場。下盤同入球「細」會係今場最好嘅投注配搭。
法國讓平/半可選下盤
另一場4強賽事法國對葡萄牙。法國返嚟啦！施丹都返嚟啦！立博開嘅歐洲賠率，法國勝2倍，和局2.8倍，葡萄牙勝3.75倍。比起德國嘅主勝還要低，亦代表立博對法國嘅一份信任。法國班球員畀我一種感覺，好似贏完巴西之後就代表報咗仇咁，而且班老人家亦未必能夠應付太多嘅比賽，演出隨時走樣。亞洲盤方面法國隊大膽地讓平/半，投注策略可選下盤。
謝利
立博亞洲區首席博彩顧問
精通各大聯賽，分析獨特，文章可見於各大媒體，足球貼士界的一顆新彗星。