世界盃經已進入倒數階段，四強球隊必定傾盡全力爭取決賽席位，日前本報訪問了50名市民，選出心水冠軍隊，結果有主場之利的德國成為大熱門，而擊敗巴西晉身四強的法國亦有不少捧場客，反而防守最強的意大利被貶為冷門。
阿婷
今年四強入面意大利好有冠軍相，一來佢哋成隊波整體表現都好平均好穩定，二來門將真係有好好嘅表現，所以防守方面一定唔使擔心。另外今年好睇得出意大利落場時嘅團隊精神好強，合作性好高。
Phoebe
我雖然唔係好認識四隊球隊嘅球員，但係最大機會應該係德國，因為佢哋嘅進攻能力好強，每一場嘅進攻次數都好高，所有球員都表得好進取。另外教練奇連士文真係居功不少，如果今次德國捧盃佢都係功臣之一。
