巴西隊今屆世界盃大熱倒灶，國內傳媒大肆批評球隊老將過多。正當國家隊改朝換代勢在必行之際，「元老級」隊長卡富居然出來唱反調，話𠵱家唔係換血嘅時候，自己仲想為國家隊出一分力。我判官好欣賞卡富嘅執着，但係如果佢仲霸住個位，施仙奴等後輩又點成長呢？況且為國家隊出力分好多種，唔一定要上場比賽嘅。卡富識時務嘅話，就快啲退出喇！