奧雲喺分組賽最後1場鬥瑞典時不慎扭傷右膝，而佢之後就曾經講過，話會等到決賽當日飛返德國，同成班隊友接受世界盃冠軍獎牌。不過，英格蘭無奈咁8強出局，原本講過話返德國嘅奧雲，今個星期就會轉飛到美國，治理佢嘅膝部傷患，雖然一樣係出國，但地點就改咗到美國，唔係德國，對奧雲嚟講，今個世界盃決賽周都算係一個極唔如意嘅旅程囉！