曾志偉昨日在西貢拍攝奇華月餅廣告，今次已是他連續10年為這品牌效力，問酬勞有否增加？他說：「已經唔講錢，有時廣告都幫到我個形象，加上好多地方都睇到廣告相。」在新廣告中，志偉與一個胖嘟嘟的小女孩做對手戲，他表示與小朋友合作並不辛苦，而且今次的小對手很聰明。
「邊隊贏唔重要」
原先志偉講起拍廣告，心情大好，但一問他有關世界盃賽事時，即時心情大變，他沒好氣地說：「唔好提啦，喺我心中世界盃已經打完，巴西都輸咗，賭輸錢事小，心愛球隊輸咗事大。如果問我邊隊會贏，我都係答是但，因為已經唔再重要，原本四強同決賽我都要返廣州講波，不過𠵱家都要睇心情再決定。」
採訪、攝影：魯萍