見咁多人喺度種嘢，唔好以為係介紹新界啲甚麼親子農場，睇真啲，查實係將軍澳新都城2期嘅天台嚟咋，係咪有啲估唔到呢？
聽恒基旗下偉邦物業管理有限公司講，新都城2期向來積極推動環保，今年初設立咗呢個種植區，畀參加嘅20組業戶得閒種吓時令嘅植物同蔬果，好似鳳仙花、白菜同士多啤梨等，有得睇又有得食。除咗綠化屋苑30萬呎天台外，又可以推廣環保意識，結果呢個咁有創意嘅活動，唔單止受到住戶歡迎，更加喺「環保建築專業議會」主辦嘅「2006環保建築大獎」中，奪得「現有建築類別大獎」殊榮。
偉邦物業管理有限公司執行董事孫國林話，其實新都城2期早前曾經舉辦過「回收桶設計比賽」，按得獎小業戶親手設計，一套三款嘅廢紙、膠樽同鋁罐回收桶製成實物，放置喺屋苑人流最多嘅公共地方，以收宣傳之效，令到屋苑廢物回收量持續上升。