軟硬天師與林嘉欣前晚在觀塘出席《反斗車王Cars》好友約會活動，軟硬似乎受英格蘭與巴西輸波而影響心情。林海峰介紹自己聲演的是過氣跑車時說：「似朗尼咁，要搵人收呀！」問到配音時有何趣事，他說：「趣事咪英格蘭同巴西出局囉！」
對於軟硬產品銷情佳，林海峰笑謂下一步要開燒臘店，談到紅館演唱會門票反應理想，場數會否一加再加時，他說：「到𠵱家最新決定係可能取消晒七場，專門搞賣衫。其實好多嘢喺考慮中，我仲要睇香港會唔會受世界盃刺激先決定。」
俾賽果嚇窒
葛民輝則說：「賽果咁奇，到時我哋可能會安排心理醫生、中醫同西醫，睇全相同睇風水咁。」問他們看好哪一隊奪世盃？林海峰冷笑後說：「唔敢睇好，巴西同英格蘭都咁快出局，我睇好主辦國啦。」阿葛則說：「𠵱家巴西走埋，惟有捧德國大肉腸！」
採訪：藍文浩
攝影：林德雄
