名模楊崢早前在香港水域成功考獲初級潛水牌照，成為OpenWaterDiver，她表示兩日一夜的船上考試辛苦但有成功感，她說：「我帶定防暈浪手鈪，又喺船上讀書考筆試，仲要孭住成十斤重嘅裝備落水，好彩一次過合格兼有90分。」
目標做教練
楊崢表示今次潛到18米水深，見到香港水域美麗的珊瑚、小丑魚、透明珊瑚蝦等，眼界大開，她說：「我之前已經潛過菲律賓、泰國、大溪地等，我嘅夢想係喺海洋公園同啲鯊魚、海豚一齊潛水，我會繼續讀深造班，希望將來可以做潛水教練。」
曾有藝人如羅慧娟等，因潛水導致失聰，問楊崢可會擔心？她說：「唔會，我係循序漸進嘅人，一定量力而為，唔會強行深潛。」
採訪：DebbieLum