1.選鞋篇
無論係有43吋長腿的高妹定係天生腳短要靠後天補救的矮小女生們，夏天點都要有一對高踭涼鞋看門口。不過，買鞋的時候梗會遇到一個煩惱，買大一個Size係咪會着得舒服啲？記住試着高踭涼鞋或船底鞋時，唔好揀腳踭位有明顯空間的那一對（最好不要多過0.5cm），因為鞋着耐啲就會鬆，有太多空間預留的話會令腳趾向前滑，難行兼難睇。
2.保養篇
７、８月正值雨季，返工放工撞正落雨一啲都唔出奇，成對涼鞋濕晒點算好？其實只需用紙巾或者吸水布將鞋面抹乾，然後塞入棉紙、宣紙把鞋內的水氣吸乾就OK，報紙油墨多唔衞生，還是不要選用。除此之外，把涼鞋放在通風的地方或者以風扇吹乾亦可，但切記不可用風筒直接把鞋吹乾，避免涼鞋變形變色。
3.收納篇
綁帶涼鞋比一般涼鞋較難收納，若綁帶涼鞋在長時間不着的時候，應用以下的方法收納整理：
專家意見
涼鞋係短裙短褲的最佳Partner，要成為焦點，Celia建議各位女生謹記塗Cream，否則對腳乾爭爭就着咩都假！要令對腳睇落長啲又瘦啲？Celia提議女生們可塗一些TanningLotion，令雙腳有TanFeel，性感又健康。