夏午三點36℃@3p.m.第一次跟大家見面，頭炮的火辣靚女就是晚晚在無綫見到的世界妹孫慧雪和陳文靜（ChaCha），她們在《2006世界盃：頂Cup好波》中講波，畀貼士，充滿青春活力，令觀眾看波之餘也大感清涼。
有世界盃就有世界妹！今年無綫、亞視和有線均找來一班年輕貌美的少艾做世界盃節目，無綫代表有身材標青、上圍同是Bcup的孫慧雪和陳文靜。
嫌樣貌老成
23歲的阿雪出身自藝員訓練班，拍過不少MV，又在鄭中基等人主持的節目《美女廚房》中擔任「粥粉麵飯」的阿飯。對於有份做世界盃節目，阿雪日前說：「梗係開心啦，唔止有份做主持，仲有一part畀我講賠率畀貼士，做咗世界盃節目後，出街真係有人認得我，仲問我攞貼士。」
至於22歲的ChaCha也演出過不少劇集，問她覺得自己跟其他電視台的世界妹有何不同？她第一個反應說：「我睇報紙見到其他世界妹個樣好似好細個，睇落我年紀好似大啲。」
不過ChaCha又很自豪地說：「但我哋同其他世界妹唔同，監製叫我哋做一個有智慧嘅世界妹，要做得highclass啲，所以我哋唔係單單着住背心短褲，行行企企。喺節目入面，有一part《Cha數據雪攻略》係我同阿雪負責，會講賠率，畀貼士班球迷，仲可以加自己意見，真係有好大發揮。」
採訪：楊潔雯 攝影：林德雄
