唔知有冇人因睇世盃冇咗份工呢？前法國國腳佐卡夫好可能係其中之一。前日法國對巴西場波，久違嘅佐卡夫亦來湊熱鬧，仲出埋鏡㖭！不過佢效力嘅美職聯球會紐約紅牛見到佢副尊容就把幾火，原來佢以「屋企有急事」為由請假，點知係去睇波！紅牛講明如果冇合理解釋，以後都唔使返來，不過佐卡夫亦唔會志在，因為隊波今季聯賽包緊尾，返去做乜呢？