adidas喺德國搞咗一個睇波嘅樂園，叫做WorldofSports，只要花1歐元（約10港元）入場費就可以入去睇波同玩遊戲喇！
樂園入面啲嘢都好好玩，例如有個小球場可以畀你踢波，好有滿足感㗎！其中一個最得意嘅就係可以代入個廣告入面嘅小朋友Jose，當你照住現場人員嘅指示去做，例如同Jose握手、喺鏡頭前擺pose等等，就可以將廣告入面碧根鮑華個樣變做係你自己個樣㗎啦！事後你仲可以用藍芽手機，現場下載有你個樣嘅片，或者喺4日後上網下載返，真係好得意呢！
我好建議球迷入去呢個樂園玩吓呢個玩意，因為花嘅錢唔多，但就好有投入感同好值得紀念。兩晚前我去咗個樂園度睇德國對阿根廷嘅現場直播，好彩高路斯入到波追成平手，再射12碼贏埋！希望德國會再晉級啦！
袁彩雲
無綫世界盃直擊主持