近排雖然大家掛住睇波，但好多股仔陸續有搞作，例如銀創（706）上周五公布，以每股1仙配售1億股非上市認股權證，然後又話同1名投資者商討配售新股集資，消息公布後，銀創上周五股價一度急挫十幾個巴仙。
經紀陳話，銀創近年進軍大陸搞自動櫃員機，近日密密與證券界人士會面，力sell呢門生意，所以股價先至咁波動。雖然公司話正在洽商批股，但江湖傳聞唔係現時咁低水平，唔知係咪代表股價仍有上升空間，可列入高風險投機的觀察名單。銀創上周五收0.245元，跌5.77％。
經紀黃又話，將於本周四公布全年業績的大快活（052），如無意外應該見得人，大快活近年大革新，生意愈做愈好，唯一不利因素只係受到租金上升影響。此外，大快活老闆喺公布業績前個零月增持，令人有好大聯想空間。
大快活上周五股價上升1.56％，收6.50元。
慕容小初