上周五德國對阿根廷嗰場8強大戰，雙方射完12碼後喺場中發生毆鬥事件，有份出手嘅球員包括阿根廷嘅麥斯洛迪古斯同古菲等等。睇落好似好無辜嘅德國中場芬寧斯，俾人翻帶睇到，原來佢有同阿根廷嘅前鋒告魯斯大打出手，不過德國好彩佔有主辦國之利，𠵱家國際足協話明唔會秋後算賬，淨係會懲罰麥斯洛迪古斯佢哋，所以我判官幾時都話主辦國有着數㗎啦。