碧根鮑華喺德國嘅影響力有幾大？單睇佢受歡迎程度便知一二。「凱撒大帝」搭直升機睇波已經唔係新聞，但佢所到之處，好似明星一樣咁受歡迎。上星期六巴、法大戰前夕，記者喺法蘭克福球場附近，遇到啱啱落直升機嘅碧根鮑華，雖然去球場只要行5分鐘，但大會都準備部Benz接載。沿途「凱撒大帝」係咁同球迷揮手，真係魅力非凡。
李勇明
曾採訪世界盃、歐洲國家盃、奧運、亞運等大賽，身經百戰。
飲品售價不減反加
世界盃接近尾聲，市面上的大部份世界盃產品陸續減價，惟獨fanfest內飲品部的價錢直線上升。記得第一天德國在慕尼黑的比賽時，曾去過奧林匹克運動場旁的fanfest，可樂2歐元連膠杯1個，昨日在法蘭克福的fanfest，竟漲價至3.5歐元；差不多成40港元，飲落真係特別肉痛。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
德國人夠晒幽默
以前成日聽人講，話德國人冇幽默感，但發現呢邊電視台所製作嘅娛樂節目，其實好笑過香港嗰啲淨係識得抄日本同台灣嘅綜藝節目好多。呢日就喺8強阿根廷對德國賽前嘅阿根廷操練課上，見到有電視台搵咗「碧根鮑華」同埋「馬勒當拿」嚟，叫保安員畀佢哋入場；最後當然唔能夠得逞，但總算為在場嘅記者及球迷帶來一陣歡樂。
朱冠恆
肩負現場直擊畀料重任，無論你當我名家抑或明燈，都希望交到功課。
