早排廉政公署調查一宗涉及香港電台嘅貪污案件時，拘捕咗四個人，當中包括前唱片騎師Kawaii。前晚Kawaii去東港城擔任活動司儀，佢話自從上個月頭接受調查後，廉署暫時未有任何通知，佢承認當時心情好差，因為佢覺得做咗咁多年嘢，自問身家清白，但就遇上咁煩嘅事。Kawaii仲話司儀工作起初都受到影響，好彩呢個月開始多番人搵佢做嘢。