英超球會熱刺新球季繼續招兵買馬，日前就以800萬鎊（約1億1,500萬港元）從法甲聖伊天買入科特迪瓦嘅世界盃中場索高拿，加埋之前喺利華古遜嗰度買咗保加利亞射手貝碧托夫，夾埋使咗成2千萬鎊。熱刺可以開晒大水喉買咁多人，皆因簽咗兩個新贊助商，但係來屆又冇份打歐冠盃，若然到時喺英超聯打唔出好成績，咁就真係倒錢落鹹水海喇！