𠵱家啲歌星一日走幾個活動，見記者多過見屋企人，所以要諗嘢講都幾頭痕。好似戴夢夢（右一）同梁靖琪（Toby右二）咁，佢哋前晚喺將軍澳電視廣播城錄影節目，戴夢夢可能見記者太多，連講過啲乜都唔記得，佢前晚又話自從同Toby一齊組女子明星足球隊之後，大家好有默契，仲心有靈犀㖭，連身上着嘅底褲都同對方一樣。咦！夢夢日前咪同記者講過同一番話，講完又講，佢唔係失億啩？