馬勒當拿係祖國阿根廷嘅忠實fans，所以今屆祖國嘅比賽，成日都見到佢現身球場，而且有親佢喺度，阿根廷多數贏波，但佢喺上周五對德國嗰場波因一名隨行人員未有被允許進場而憤然缺席，偏偏阿根廷就輸埋波，唔通「老馬」真係咁旺場？另外，同「老馬」一樣喺球壇德高望重嘅碧根鮑華，睇完場德、阿大戰之後，就即時由柏林飛過漢堡睇意、烏之戰，魄力驚人！