田啟文首次有較多戲份的電影是82年的《忌廉溝鮮奶》，女主角是葉德嫻，有份演出的還有艾迪、嚴秋華等，田雞飾演一名智障少年。為求神似，田雞透過電影公司安排，跟一名智障人士接觸，學習對方的動靜，他說：「我哋去咗大牌檔食嘢，佢係咁叫到成枱餸，原意唔係佢肚餓，係因為佢心水清，諗住食唔晒可以打包走。」
造型神似呃到人
那個年代，港外線碼頭很流行有人拿着香口膠隨街兜售，田雞就隨拍攝隊到碼頭取景，以智障人士造型拿着香口膠向途人兜售。由於當時是偷拍，故途人也不知道箇中底蘊，田雞笑說：「可能我真係扮得幾似，好多途人都主動幫襯我，當時我忽然諗到，如果將來冇戲拍，大可以轉行賣香口膠維生呀！」