傳媒成日話簡尼因為喺德國國家隊冇得踢正選而同列文唔妥，搞到彼此關係水火不容。但我判官前日所見，德國喺同阿根廷射12碼之前，簡尼主動搵列文「揸揸手」，又搭佢膊頭表示支持佢；當列文救咗兩球之後，簡尼又有上前恭喜佢，而且仲好開心。其實簡尼𠵱家喺國家隊唔會再有機會擔正，但係都咁支持列文，真係顯示到佢係有君子風度！