蔡依林（Jolin）噚日喺台北為夜晚舉行嘅演唱會綵排，同舞蹈員大跳辣舞。雖然好猛太陽，但Jolin話唔怕曬，只係怕啲汗整溶個妝。好多人都知Jolin係瑜伽高手，但原來佢連豎琴都玩埋，真係巴閉。 Jolin仲話有一門絕技，就係靠「意念」控制臉部唔流汗，佢話：「我在心中默念『要美、要美』，結果還蠻有效的。」咁都得，真係唔封你做偶像都唔得啦！
