彭氏兄弟早年執導的《見鬼》賣個滿堂紅，其後兩人各自執導《阿孖有難》及《死亡寫真》兩片，票房不甚理想，似乎印證了兩兄弟分開發展及不拍鬼片必衰的「詛咒」。一套《見鬼》成功將李心潔捧為鬼后，新片《鬼域》也由她擔正，但彭順表示沒偏袒女友，還擔心會拖垮她的事業。兩兄弟又解釋因與陳可辛「溝而不通」，才不再與他合作。 撰文：魯萍
飲水思源
彭發和孖生哥哥彭順六年前在泰國拍了部《無聲火》（BangkokDangerous）後，受陳可辛賞識，獲邀來港拍攝《見鬼》，在影片叫好又叫座的帶動下，衍生了《見鬼2》、《見鬼10》，從此奠定彭氏兄弟在鬼片界的地位。
唔想再「見鬼」
正當大家以為《見鬼》系列會長拍長有時，事實卻非如此，彭氏兄弟與陳可辛僅僅合作了三部鬼片後便分道揚鑣。彭氏的最新作品《鬼域》已經轉投寰宇電影公司懷抱，有人說他們不懂飲水思源。
「我哋唔係走咗去。」彭順的回應十分精簡。
彭發補充說：「呢啲係商業決定，將來會返去Peter（陳可辛）身邊唔係冇可能，睇吓拍乜嘢，但如果又係《見鬼》3、4、5咁，真係唔想囉！雖然Peter冇講到話要繼續開，但係我睇到嘅，前面條路就係咁行，其實嗰三部戲已經好肯定到我哋，已經好足夠，如果有一日Peter想拍其他類型嘅戲，一定會返去拍。」
「方向唔一致」
事實上，陳可辛也不是只會拍鬼片，但彭氏兄弟卻認定對方找他們合作只有鬼片，似乎是一廂情願了？
「大家心目中方向都唔一致，合作呢幾年嚟，同Peter……其實係溝而不通，講白啲，就係講唔埋欄。坦白講，當初合作拍第一部《見鬼》時已經發覺有呢個問題，所以當時走埋一齊，Peter自己都擔心㗎！佢都知有乜問題。」依彭發的說法，或者是想解釋與陳可辛分開發展，對雙方都有好處。
反而大哥彭順的答案就簡單得多，他說：「我哋想有多啲創作空間。」
攝影：陳志嵐
場地提供：sense
