大哨朗拿度大劑！雖然貴為入球最多之星，但人肥唔係罪，作為世界級球王，雙腳一面追一面踢着地上個波，個肚又有另一個波在半空拋吓拋吓，都咪話唔辛苦。啲球迷睇到偶像搞成咁嘅身世，都同樣辛苦！
洪金寶作為武師可以大大份兼揹着肚腩翻高跳低，因為拍戲分鏡頭，再辛苦，總之三數分鐘之內拍完一組鏡頭，就是NG也可以透透氣、休一休。球場如戰場，球證吹雞之前你只能往前衝！衝！衝！只有贏定輸，無得NG。
你會奇怪，像我們這類1天工作18小時，幾乎年中無休的蟻民，抽不出時間KeepFit做運動，肚腩就係肚腩無得傾！但足球運動員天天練波時時練波，分分秒秒都是那個波，何來腰間多出一個波？
退休可扮豬八戒
除了新陳代謝出現問題，只能說大哨懶！貪吃大食兼狂飲啤酒汽水之類，不然每天操練起碼消耗10磅8磅汗水，如何肥得起來？如果再肥下去，大哨都會有個好出路，以他圓圓可愛兼哨牙的面孔，大可東來中國或日本拍「西遊記」，扮豬八戒；不過皮膚要學MichaelJackson去漂白，不然只能扮隻肥黑豬！
鄧達智
以出色品味穿梭時裝界，對足球，自有一番獨特見解。