彭氏兄弟聯手炮製的作品，口碑與票房都不差。但當兩兄弟個別發展時，成績定必下滑，例子有弟弟彭發執導的《阿孖有難》以及哥哥彭順的《死亡寫真》，成績皆不甚突出。彭發的《阿孖有難》上映時，更遭受影評人的批評，當時他曾為此事而發聲明反擊。
沒有好結果？
連串印證後，就出現了「彭氏詛咒」的傳聞，說兩兄弟分開發展，甚至不拍鬼片，都沒有好結果。傳聞繪影繪聲，與他們拍的靈異電影很相配。究竟是否存在這樣的詛咒呢？
「個個人都咁講，我哋信㗎！拍過咁多鬼片，接受程度已經好高，點可以否定呢種講法，好多嘢都冇得解釋嘅。」彭順選擇相信咒語的存在。
彭發則另有一個比較科學的解釋，他說：「孖生兄弟思維相近，兩人合作力量大啲，可以互補不足，成功率自然高咗。《鬼域》成本4,000萬咁高，唔係鬼片，點攞到咁多錢？完全係商業價值問題，兩兄弟拍住上又穩陣啲。
「等到有細project，咪分開做，死一個好過兩個攬住一齊死嘛！咁都可以講同個詛咒有關，不過個詛咒好快會解破，因為我哋起碼兩年之後先會再一齊拍鬼片，嚟緊8月會去荷李活拍西片版《無聲火》。」
偏袒女友
四年前一套《見鬼》不但令李心潔成為香港電影金像獎、金紫荊獎及台灣金馬獎的三料影后，更加成就了彭順與李心潔的戀情。新作《鬼域》不是低成本製作，女友擔正做女主角，肥水不流別人田。
曾幾何時，聽彭氏兄弟講，鬼片主角毋須有知名度。究竟是李心潔不算有知名度，抑或打正旗號偏袒女朋友？彭順說：「點會有得益佢？你估一定掂㗎！分分鐘會累死佢都唔定，用心潔做女主角，絕對唔關係咪我女朋友事，純粹商業決定，《見鬼》成功，我哋嘅組合都算係一個保證，老闆都係但求穩陣。」說真的，彭順怎會忍心要女友冒險？
幾時結婚?
彭發說從《見鬼》到《鬼域》，覺得李心潔進步了。至於彭順與心潔情侶檔的合作，自然更有默契，彭順也承認說：「佢係我女朋友，梗會有啲幫助，大家多咗份信任，默契會多啲。」至於何時結婚，彭順說：「快㗎啦！我哋都有呢個打算，真係決定結婚，一定會同大家講。」這個問題似乎答得太多，看到彭順臉上一副純粹應酬的神情。