陸川執導嘅《可可西里》喺2004年奪得台灣金馬獎最佳劇情片獎後，即刻有報道話部戲涉嫌抄襲紀錄片《我和藏羚羊》，喺今年6月，《我》片導演劉宇軍入稟控告陸川、《可可西里》嘅製作發行公司北京華誼兄弟。噚日單案開審，陸川親自出庭，兩個導演就喺北京朝陽法院第三庭上對簿公堂，劉宇軍話陸川連情節、構思同創意都抄襲，陸川就反話對方炒作，兩人喺庭上互不相讓，案件仍未有結果。