今日馬季煞科日，與此同時，世盃4強亦已確定，深宵巴西戰法國，到底鹿死誰手呢？兩隊的重點球星，決賽周初期表現都跌Watt，之後卻又打起狀態。34歲的施丹領了2張黃牌後，對多哥時停賽，反而休息養生，16強賽將嘲笑他年老的西班牙小將踢走。
如果各位有跑馬，應不止一次見到，那些賽前馬主、練馬師聲言如跑得不好就退役的馬，無論近績如何不濟，十之八、九會突然神勇，馬匹尚且有此靈性，懂得絕地反擊，何況是一代球王呢！
朗拿度則是如假包換的肉身肥馬，國際足協資料指他重82公斤，更有小道消息說他其實重達90.5公斤，總之眼看是「肥」，這點毫無異議。分組賽巴西首場對克羅地亞，「肥哨」身肥步鈍、論論盡盡，被換出時相信球迷都拍掌叫好！
做人比做馬幸福
不過，如1,300磅大馬一樣，唔夠氣又身重，毫無招架之力輸一條街後，卻藉着實戰收身開氣；朗拿度正是如此，雖然還是「跑短途」，但球到腳，世界級前鋒的衝刺又回來了！
說來做人比做馬幸福，如果朗拿度是競賽馬，重了十分一，由1,300磅變1,400磅，根本冇機會上陣呢！
張美德
記者出身的著名馬評人，現職馬會賽馬節目主持。