由鄭裕玲接棒主持的第二輯無綫遊戲節目《15/16》，前晚首次錄影，嘉賓之一的林敏驄對於林尚義（阿叔）因李克勤不在港，在世界盃節目上變成開籠雀，即表示會送上滅聲指甲鉗給阿叔，等他的死敵回歸節目時，阿叔可在節目上再剪腳甲。
森美和小儀因電台節目《架勢堂》舉辦的「我最想非禮嘅香港女藝人」選舉，備受各界抨擊，被商台勒令暫停所有工作，連帶收視理想的無綫遊戲節目《15/16》也被迫由鄭裕玲接手主持，前晚第二輯《15/16》在將軍澳電視廣播城第一次錄影，嘉賓有薛家燕、鄧健泓、鄧英敏鄧上文父女，還有世界盃是非風暴中心人物林敏驄陳伶俐夫婦。
打電話約飲茶
林尚義（阿叔）日前在世界盃節目中胡亂發炮，嘲笑伍晃榮在天台執筆寫字的個人solo環節似寫遺囑等跳樓，又謂球證應該要驗尿，林敏驄前晚獲悉阿叔這番言論後笑說：「吓，阿叔咁鬼馬嘅？」
早前林敏驄否認說過阿叔因有死敵李克勤坐鎮世界盃，在節目上鬱鬱寡歡剪指甲，但前晚林敏驄卻說：「冇呀，我冇叫佢剪指甲，叫佢剪腳甲之嘛，我都有打畀阿叔，話世界盃完咗大家去飲茶，我會送個指甲鉗畀佢，等某人返嚟，阿叔又有得打發時間喇，仲會叫佢用紙巾包住個指甲鉗做滅聲器㖭。」
鄭裕玲做七集
至於有指林敏驄原本有份做世界盃主持，在服裝間可見其橙色制服，只是遭死敵李克勤制止而被擯出局，問林敏驄這套制服可有機會再着時，他笑說：「可能着去《勁歌》囉，𠵱家啲terms興嘉賓主持，到時咪同崔建邦組隊『eleven癲』囉。」
此外，接棒主持《15/16》的鄭裕玲表示只會做七集，所以會讓有份參加的嘉賓輕易取得獎金，她說：「我唔使理咁多，希望個個嘉賓都可以攞錢走，之後嗰啲留番畀曾志偉搞。」
採訪：卓美娟
攝影：陳順禎
