執筆之時8強賽事未開始，不過都講吓我心水啦！世界盃已經踢到8強，有喜有悲咁啦！喜就係法國對西班牙場波，最後由施丹推過後衞轉身射近柱入波，明顯話畀人知佢嘅腳法冇人可以取締！
仲有朗拿度，再次畀球迷知道佢仲有速度、假腳、插花過龍門嘅技術，並唔係每場賽事都企喺度睇波！歷屆世界盃入球最多嘅球員武勒，都俾朗拿度破咗佢紀錄，希望大哨仲可以入多啲波就好喇！
放棄法國支持巴西
悲嘅就係強隊對戰，必定有喜愛嘅球隊出局，我講緊就喺法國對巴西囉！我唔想施丹係最後1場波，但又唔想巴西輸，怎辦？我都係放棄法國支持巴西啦！
英格蘭對葡萄牙一樣，葡萄牙今屆踢得非常之好，但係英格蘭嘅組織又唔錯，好難選擇！
迪高紅牌停賽冇得踢，奧雲又返咗英國養傷，兩邊都慘。講返今屆最有優勢都係德國啦！我覺得佢哋好有冠軍相，每場都贏波，又有主場之利，誓要攞走大力神盃為止。所以德國對住阿根廷都唔係一個大問題啫！至於意大利對烏克蘭，我覺得有得打，兩隊表現都唔係咁好，只係分組賽抽到一條好籤走，避過好多強隊，如果唔係早就出局啦！
Toby梁靖琪
走出女生宿舍依舊人氣鼎盛，為睇波更不惜捱更抵夜。