薛家燕（好姨）早排去美國出席囡囡石祐珊嘅大學畢業典禮時，感動到喊咗出嚟。好姨話囡囡喺紐約已經搵到嘢做，佢話：「珊珊係讀傳理系嘅，紐約嘅MTVWorld已經請咗佢，仲有房屋津貼㖭，嚟緊會搞個大型騷，聽佢講可能會請王力宏同周杰倫出席。」好姨又話前夫都有出席畢業典禮，但就冇碰到面，佢話：「我前夫仲送咗架車畀個女，佢好叻㗎，𠵱家個女大學畢業咪嚟接手囉。」