長毛組黨籌款大斬獲 - 李八方

  長毛組黨籌款大斬獲 - 李八方

長毛朝早去完升旗禮,之後又去7.1遊行,不知幾好精力。佢遊行時着住件鮮紅色嘅衫(圖右),非常搶鏡,走埋一齊嘅仲有黃毓民(圖左)、麥國風、阿牛以及大嚿陳偉業。點解佢哋幾個會走埋一齊?因為佢哋近日組咗個新黨,叫「社會民主連線」,長毛仲話佢哋係正式反對黨,旗幟鮮明。
冇見毓民一排,佢同之前都一樣咁敢言,不停叫市民爭取普選,唔好為一百蚊而折腰。佢哋五劍俠成功佔領鵝頸橋對出嘅有利位置,沿途遊行人士見到佢哋都好開心,不停捐款。八方見到長毛個捐款箱滿滿,真為佢哋高興。劉耀輝攝