昨日7.1大遊行，參與的演藝界人士甚少，蔡子健出席完下午在葵芳舉行的最佳旅行社選舉後，即趕赴維園參與遊行。第三年參與遊行的他邊行邊說：「爭取普選係其中一樣想做嘅事，自己都想有一個自己想要嘅行政長官，如果政府做得唔好，我哋都有權推翻，而唔係做得唔好都要忍受佢留低。今年依然好多人參加遊行，證明市民都有咁嘅心！」
「中央唔會咁小器」
蔡子健下午在葵芳出席活動時表示無懼秋後算賬，他說：「香港係能夠自由表達自己意見嘅地方，我哋有自己嘅意見，點解唔話畀人聽？點解唔去行一行？就算唔為我哋，都為下一代，好多人驚秋後算賬，我又睇唔到會，我又唔係推翻中國政府，我唔覺得中國政府會咁小器，民主係關乎我哋嘅生活，我哋唔可以淨係理經濟，唔理政治。」
問蔡子健對陳方安生若參選特首有何看法？他說：「多啲人選係好事，曾生又好、陳太又好，都代表香港有多啲叻人，陳太贏到係香港嘅福氣，曾生贏就係實至名歸。」
採訪：李珮洳、張俊銘
攝影：陳順禎