資深體育評論員韋基舜（左三），噚日出席仁愛堂舉辦的「中港台澳慈善健美大賽」記者會，講到林尚義（阿叔）同李克勤主持世界盃節目期間是非不絕，佢話：「阿叔同克勤都係我朋友，阿叔以前係我嘅球員，佢個人好純，我哋叫佢做䱽魚，你哋叫佢做重炮手，佢真係射波射得好遠，至於克勤都好有個人風格。阿叔都唔好咁𤷪，其實都係火花，可能佢哋私底下係老友。」