不瞞大家，我最想世界盃執包袱的八強分子就是英格蘭，打得悶算，贏得符碌都算，最難頂係艾歷臣話「最緊要贏，如果BadFootball可以贏，唔介意WinningUgly！」要個個玉樹臨風的英格蘭少爺兵踢肉酸足球，實在無恥。（至激氣指數：5個旋風）
唱足球主題歌點解唔係梁漢文而係李黑人？講識波，講身份……甚或講音樂品味講唱腔，梁哪一點不是比黑人強？隻《我着10號》同TVB講波枱面個杯麵一樣，九唔搭八。（至激氣指數：4個半旋風）
香港講波佬水準算OK，不過我依然掛念黃興桂，講真的！雖然佢不時馬後炮，但好笑、又有分析，而且氣氛十足，感染力強，「畸寶」有邊位講波令你情緒高漲笑開懷？等開波期間有WCParty，班Angel似鬼我都算，最得人驚係張達明啲過期10年爛Gag，喂，我想睇Viann多啲呀！（至激氣指數：4個旋風）