隨時隨地曬太陽
德國夏天時間比較短，想要健康膚色嘅人，就會爭取每個曬太陽嘅機會。無論睇波、游水、飲下午茶，德國人都係鍾意揀室外地方，貪佢可以曬太陽嘛！科隆球場對出有一大片草地，最近就變成曬太陽嘅好地方；好多後生仔女隨便帶張地蓆，男嘅着條短褲，女嘅着3點式，一曬就一個下晝，真係寫意。
李勇明
曾採訪世界盃、歐洲國家盃、奧運、亞運等大賽，身經百戰。
藥房梗有一間喺左近
你猜這個大A字代表甚麼公司？對了，就是藥房，A是德文Apotheke的簡寫，在德國各城市開到像7-11，梗有1間在左近。近幾天為了「爆坼」的嘴、行到損的腳及沙啞的喉嚨而去了幾次藥房。聽當地人說，藥房內全是合格的藥劑師，平時睇完醫生，都是到這種藥房配藥。
徐嘉華
採訪過無數大賽，最鍾意捐窿捐罅搵題材，今次德國之行啱晒我。
歌德故居地奇遇記（下）
續上回，我跟伊拉克人阿里返屋企後，佢就話可以喺佢屋企過一晚，只要畀番幾十歐元就得。頭先又唔講？𠵱家就要我畀錢，有啲被屈嘅感覺。而且佢屋企衞生情況比我想像中差，決定全身而退，好在又走得甩！結果，呢晚就喺曾經有歌德及巴哈等德國名人住過嘅小城，流落咗4個鐘。
朱冠恆
肩負現場直擊畀料重任，無論你當我名家抑或明燈，都希望交到功課。
