方力申最近被指當紅娘，介紹好友Neal給傅穎（Theresa）認識，前晚方力申在演出回歸騷後表示不知道他們是否拍拖，但覺得郎才女貌，更發現Neal近日少與自己聯絡。
何韻詩稱甩難
方力申說：「唔係我介紹㗎！我唔做呢啲嘢，Neal係我老友，我哋成日都見面。佢體育了得，有六嚿腹肌，品學兼優，身邊好多朋友都昅實佢。我唔知佢哋係咪拍拖，但睇到啲蛛絲馬迹，佢呢排少咗搵我。」
另外，曾被傳與Theresa是密友關係的何韻詩則說：「真係甩難喇！我祝褔所有朋友搵到快樂，所有朋友搵到另一半，我先諗自己。我都有打過畀佢（Theresa），但冇問係咪拍拖喎。」不過最近阿詩再被指與容祖兒傳緋聞，阿詩說：「呢啲舊聞啦﹗我成日都唔出街，所以寫來寫去嘅對象都係呢幾個。」
採訪：王連連
攝影：陳俊強