截稿時間，記者腦閉塞，推莊給我。對着電腦發呆，沒想到MSN上的台灣朋友竟成救星：「黎先生上節目了！」咦？「真的超爆笑！」立即上YouTube.com打入「黎智英」搜尋，「他還學周杰倫唱歌！」找到了，果然笑爆嘴。「還有一段，他拿傳聲筒打人。」真好，有稿交了。各位容我用廣東話演繹一下：電視中《蘋果日報》變成《芒果亂報》，假周董問肥佬：「水果哥，如果有狗仔隊跟我，我除咗打佢仲有冇更好的方法？」肥佬答：「再打啦！你除咗唱歌同打人兩樣嘢，其他仲識乜啫！」假周董：「咁我係唔係每打一鑊就有一版頭條？」肥佬：「係呀，咁咪會紅囉！」假周董：「唔係喎，我紅係因為我歌唱得好、戲做得好！」肥佬：「你啲歌好似念經咁！你唔打人紅唔起㗎！（即扮周董）『做乜該做乜該，快使用雙節棍』如果咁簡單我都可以紅啦！」─「真犀利」，最後一句是主持說的。