巴西人腳法厲害，但佢哋啲迷信習慣仲厲害。巴西教練彭利拿話到明，佢每次一定要右腳先踩入場，否則隊波就凶多吉少；而前教練兼現任助教薩加奴就話，佢對「13」情有獨鍾。薩加奴喺1931年出世，13號結婚，車牌係「0013」，𠵱家去到德國住酒店又揀第13層嘅13號房，真係唔到你唔服。中國人以迷信出名，點知巴西人仲厲害，好嘢！