成日聽人講法國後衞杜林似學者，以前唔覺，𠵱家就覺。事緣法國極右派政客勒龐，周不時批評法國隊太多「不同人種」，杜林日前就喺記招上，發揮佢能言善辯本色，話估唔到勒龐咁多次競選總統，仍然唔了解法國歷史同文化！又話美國籃球隊一樣多唔同人種，唔通又批評？杜林彈人夠寸，引用嘅例子又夠力，口才了得，將來收山真係唔憂無嘢撈！