韓片《我的band5男友》女角金荷娜專程由韓國來港，出席前晚的Fendi時裝騷，可惜風頭被一眾性感名模AmandaStrang和歌手陳苑淇等搶去。但最搶鏡的是密實打扮的蔣怡，她忽然眼泛淚光避談感情，爆出分手疑雲，男友翁狄森卻否認戀情有暗湧。
國際名牌Fendi前晚在香港海防博物館，舉行06秋冬Defile時裝騷，名模樂基兒、LisaS.及Ren等有份示範新裝。轉戰台灣多時的蔣怡，刻意與男友翁狄森分頭入場，其後做訪問時又眼泛淚光，避談感情，令人摸不着頭腦。
「掛住寵物多啲」
蔣怡透露仍未適應台灣生活，她歎氣說：「唉，唔慣都要慣，我一個月先返香港幾次，我都有思鄉病，好掛住啲狗同貓，男友？都係掛住寵物多啲！」問到何時結婚？她說：「唔諗住喇，我唔方便講。」莫非感情亮紅燈？她說：「唔係呀，始終𠵱家唔係一齊住，唔想講。」問蔣怡是否已與翁狄森分手？她眼紅紅說：「唔知，你哋唔好問啦，我唔想講。我想講工作多啲，事業同愛情好少人可以兼顧，一定要二揀一。」
記者向翁狄森求證分手之說，他表示關係正常，只是女友因工作，不方便多講感情事，他說：「今日都唔好影我哋合照喇，佢今日好緊張，因為有三個經理人喺度。佢𠵱家轉型，工作行先。我哋唔會感情變淡，因為拍咗拖六年，基礎打得好好。」
另外，三年前憑韓片《我的band5男友》竄紅的韓國一線女星金荷娜專程來港睇騷，全身穿青綠雪紡裙配金鞋的她，獲安排坐在首行VIP位甚為搶鏡，但因她在港人氣不算高，兼事先聲明不做訪問，難免遭受傳媒冷待，故風頭落在一眾火辣性感的女嘉賓身上。
陳苑淇呼之欲出
陳苑淇低胸上陣，上圍呼之欲出，混血女模AmandaStrang則穿短裙騷長腿，李麗娟姨甥SeanDavis偕女伴到場，其女伴身穿超deepV裙亮相，酥胸半露，幾近走光，令場內造成一陣小混亂。
採訪：RitaLeung
攝影：MatthewLam
